هندسة برمجيات
 
سألوني شو منزل مواد
قلتلهم هندسة برمجيات
قالولي عند مين نازلتلك
قلتلهم عند سيرين مش عطيات
قالولي بتنجح فيها
قلتلهم اكيد وبجيب فيها علامات
قالولي بلاش تحملها
مثل ما حملت الاحتمالات
قلتلهم اذا حملتها
رح سجل اسمي بصفحة الوفيات
قالولي احكيلنا عنها
قلتلهم رسم دوائر وخطوط 
وما فيها جنس المعادلات
ويوم الاحد قدمت الامتحان
وكتبت بالدفتر شوية وشويات
وحاولت اغش من جيراني
ولا نفعني عماد ولانفعتني جمالات
وصرت ابكي وانوح
وكأني بقدم امتحان رياضيات
وبعد الامتحان طلعت من القاعة
وعلى وجهي واضحة العلامات
قالولي بتجيب مية او تسعين
قلتلهم منيح ابو بجيب بالثلاثينات
قالولي بتزبط حالك بالعملي
لانها رسم خطوط ومربعات
ويوم العملي وحاط امل
قلت مهي شوية دوائر وكينونات
وأول سؤال كان
ارسم دائرة بيانات
والسؤال الثاني مثل اللي قبله
اشبك مع لدائرة كيانات
قلت بعقلي اكلنا هوا
وما الي الا مساعدة البنات
وفتشت عن يميني وعن شمالي
الشباب برسمو دوائر
والبنات برسمن مربعات
وبالاخر مارسمت شي
واجت المس تفتش عالشاشات
كل الشاشات مليانة رسم
الا شاشتي ما فيها رسومات
وحطتلي العلامة وروحت
وقلت والله ما بشم ريحة العلامات
وصرت اقلب كف على كف
واللي بشوفني بقول حالتو بالويلات
قالولي بعينك الله على حمل المادة
والجايات احسن من الرايحات
قلت لا تجيبولي سيرتها
والله يحرق هندسة البرمجيات